Inicio Blog Páxina 1066

Intervidos máis de 400 litros de augardente e viño de fabricación artesanal nun bar-restaurante en Mos

E.P.
-
0
Intervidos máis de 400 litros de augardente e viño de fabricación artesanal nun bar-restaurante en Mos

A Garda Civil interveu unha partida de máis 400 litros de augardente e licores de fabricación artesanal que se comercializaban de forma fraudulenta nun establecemento público no municipio de Mos “sen ningún tipo de etiqueta nin marcas fiscais”.

Así o informou o Instituto Armado, que explicou que a actuación, levada a cabo pola Patrulla Fiscal e de Fronteiras da Garda Civil de Vigo no marco das súas competencias específicas, foi como consecuencia dunha inspección rutineira que realizaron nun bar-restaurante en Mos, co fin de comprobar o cumprimento da normativa fiscal e sanitaria da mercadoría que estaba disposta para a venda.

No transcurso da inspección, a Garda Civil localizou no bar e na adega do establecemento algo máis dun cento de envases que contiñan 352 litros de distintos augardentes, unha pequena cantidade de licor café e 61 litros de viño, todo iso de elaboración artesanal, sinalaron as mesmas fontes.

Segundo se puido comprobar, apuntou a Benemérita, todos os envases, que “aparentemente estaban dispostos para a distribución e venda aos clientes do bar, carecían das preceptivas etiquetas e marcas fiscais que poidan determinar a súa rastrexabilidade”, segundo a lexislación vixente.

En consecuencia, a Patrulla Fiscal e de Fronteiras da Garda Civil de Vigo procedeu á inmovilización cautelar de todos os envases que se precintaron.

Ao mesmo tempo, denunciouse o responsable do local por senllas infraccións administrativas: unha delas á Lei 38/1992 de Impostos Especiais, da que é competente a Dependencia de Aduanas e Impostos Especiais de Pontevedra, por carecer de precintos fiscais e a outra á Lei 2/2012 de protección xeral das persoas consumidoras e usuarias, que terá que resolver a Delegación Provincial de Sanidade da Xunta.

Neste último caso, a denuncia ten a súa orixe, concreta o Instituto Armado, “no risco que a venda do alcol podería supor para a saúde pública”, dado que, puntualiza, “ao carecer de etiquetas comerciais pérdese a rastrexabilidade do produto e non se pode coñecer a empresa responsable da súa elaboración e distribución”.

Buscan unha menor que desapareceu en Vigo o fin de semana cando ía a un concerto

E.P.
-
0
Buscan unha menor que desapareceu en Vigo o fin de semana cando ía a un concerto

As forzas de seguridade buscan a unha moza de 17 anos de idade, Marta P.M., cuxa familia denunciou a súa desaparición, e da que non se coñece o seu paradoiro desde o pasado fin de semana, cando falou co seu pai e lle dixo que ía a un concerto que se celebrou no barrio vigués de Coia.

Os seus achegados difundiron a alerta a través das redes sociais, que tamén se activou por medio da organización SOS Desaparecidos. A moza mide 1,76 metros, ten o pelo castaño longo e leva piercings no nariz.

Segundo explicou o seu pai, en declaracións a Europa Press, a moza foi vista por última vez o pasado sábado, aínda que el falou con ela por teléfono. Nesa conversación, a menor confirmouna a súa intención de acudir a un concerto que se celebrou no barrio de Coia o domingo pola noite.

O proxenitor de Marta explicou que non é a primeira vez que a menor se ausenta de casa (neste momento vive cunha tía na localidade de Ponteareas) e que mesmo estivo a residir unha tempada nun centro tutelado de Aldeas Infantís.

Vigo encara o novo alivio de restricións con 712 casos activos

redacción
-
0
Vigo encara o novo alivio de restricións con 712 casos activos

Galicia encara o novo alivio das restricións fronte á Covid-19 –que desde este sábado inclúen reunións de seis persoas en interior e 10 en exterior, así como aumento de aforamentos– con 2.400 casos activos –unha vintena menos– e a presión hospitalaria en descenso con 121 pacientes ingresados, tres menos.

No referido aos datos da área sanitaria de Vigo, segundo a información actualizada na mañá deste venres pola Consellería de Sanidade con rexistros ata as 18,00 horas deste xoves, a presión hospitalaria aumenta lixeiramente ao descender a cinco as persoas que se atopan en UCI –unha menos–, pero aumentan a 23 as doutras unidades –dúas máis–.

Ademais, as infeccións activas descenden un total de dez en Vigo, que aínda así, se mantén á cabeza con 712 casos activos. Esta área sanitaria é a que suma un maior número de contaxios nas últimas horas. Dos 143 rexistrados no conxunto de Galicia, 44 corresponden a Vigo.

 Polo seu lado, a taxa de positividade en Galicia mantense por baixo do 2% desde o inicio desta semana ao ascender moi lixeiramente ao 1,71 por cento, despois de situarse no 1,67% a xornada pasada e nun 1,65% o día anterior, tras reducirse a un 1,26% no inicio da semana Así, segue por baixo do 5% que a Organización Mundial da Saúde (OMS) fixa para dar por controlada esta pandemia. A última vez que Galicia excedeu esta barreira foi o 15 de febreiro.

O Celta asina o seu peor rexistro goleador en 27 tempadas

redacción
-
0
O Celta asina o seu peor rexistro goleador en 27 tempadas

O Celta de Vigo asinou, tras o seu empate sen goles ante o Eibar, o seu peor rexistro goleador das últimas 27 tempadas, con só 17 goles en 21 partidos, dos cales sete deles conseguiunos o internacional Iago Aspas.

O equipo dirixido por Óscar García Junyent atopa na falta de pegada a principal clave que explica a súa crise de resultados; non gaña un partido en Liga desde o 24 de novembro, cando venceu a domicilio ao Vilarreal (1-3).

O seu equipo está pelexado co gol, e de momento a dirección deportiva que lidera Felipe Miñambres non atendeu o seu desexo de fichar un futbolista de ataque. “Hai equipos que teñen xogadores que meten 15, 20 ou 25 goles. Nós, de momento, non temos iso. Fáltanos gol”, lamentou Óscar García tras o empate dos seus ante o Eibar.

Hai que remontarse a principios da década dos noventa para atopar un Celta menos goleador que o actual. Os 17 tantos deste curso só son empeorados polos 16 da tempada 1993-94 e os 13 do curso anterior.

Na xornada 21, o Celta levaba a pasada tempada 33 goles, dos cales 9 fixéraos o internacional uruguaio Maxi Gómez, traspasado o pasado verán ao Valencia. E unha campaña antes, o Celta levaba a estas alturas 38 goles, con 11 do atacante charrúa.

A baixa de Maxi Gómez supliuna o conxunto celeste co regreso de Santi Mina, incluído na mesma operación, e o seu compatriota Gabriel “Toro” Fernández, fichado do Peñarol. O primeiro suma 2 goles e o segundo unicamente marcou un no seu primeiro ano en Balaídos.

Compromiso das auxiliares para acabar os traballos en Barreras mentres piden “máis información”sobre o concurso

E.P.
-
0
Compromiso das auxiliares para acabar os traballos en Barreras mentres piden “máis información”sobre o concurso

As empresas auxiliares do sector naval, que levan a cabo diferentes traballos nos encargos que se están executando no estaleiro vigués Barreras, trasladaron o seu compromiso de acabar os devanditos traballos e descartan, neste momento, instar o concurso de acredores, á expectativa de ver como se resolve o cambio de propiedade da empresa, tras o cesamento de García Costas e a posible entrada de Ritz Carlton ou do fondo Oaktree.

Así o trasladou a Enrique Mallón, secretario xeral da patronal do metal, Asime, e que este mércores mantivo unha reunión cunha trintena de empresas auxiliares, practicamente todas as que traballan en Barreras neste momento.

Mallón trasladou unha mensaxe de “tranquilidade” e o compromiso das empresas de acabar os traballos, aínda que admitiu que, coa incerteza sobre a propiedade do estaleiro, estas empresas “prefiren ser cautelosas”. “Queremos confiar en que haxa unha solución, e sabemos que hai conversas sobre o traspaso da propiedade, porque queremos que Barreiras teña futuro, cremos que é viable”, sinalou o responsable de Asime, entidade que asesora ás empresas.

En todo caso, Mallón sinalou que, se se constata o desvío de custos nos proxectos do estaleiro, un dos dous cruceiros para Ritz Carlton, e dous buques para a naviera Havila, “alguén terá que asumilos, ou os actuais accionistas ou os novos”. “Pero non imos permitir que sexan as empresas auxiliares, que xa pasaron por un concurso moi duro con Barreras, en 2011, e agora outro con Vulcano”, apostilou.

NON AUMENTAR A DÉBEDA

O secretario xeral de Asime incidiu en que as auxiliares rematarán os traballos, polos que “queren cobrar”, e eludiu cifrar a débeda que o estaleiro ten con estas firmas, algunhas fontes consultadas apuntan a uns 12 ou 15 millóns de euros. “Agora hai que tentar que esa débeda non se incremente, as empresas queren protexer os seus créditos, pero que non renda o pánico”, recalcou.

Sobre a posible entrada de Ritz Carlton, a través do fondo Oaktree, no accionariado do estaleiro, Enrique Mallón expresou o seu “optimismo” pola posibilidade de que sexa unha “gran empresa” a que tome o temón de Fillos de J.Barreiras.

MÁIS INFORMACIÓN E COMUNICACIÓN

Finalmente, trasladou a esixencia das empresas de ter “máis información” sobre a situación do estaleiro e os posibles movementos que se vaian dando. A ese respecto, lamentou que, a día de hoxe, a comunicación coa empresa “é moi pouca, por non dicir practicamente inexistente”.

“Para as empresas auxiliares é indispensable contar con esa información, sobre todo para que isto non se repita, porque aquí faltou comunicación e coordinación”, sentenciou.

Traballadoras das cafetarías do Campus da UVigo poden quedar na rúa este Nadal sen dereito a paro

redacción
-
0
Traballadoras das cafetarías do Campus da UVigo poden quedar na rúa este Nadal sen dereito a paro

A organización estudantil ANEGA vén de emitir un comunicado con respecto á decision de pechar as cafeterías das facultades de Ciencias Económicas e Empresariais e de Filoloxía e Traducción, “deixando as traballadoras na rúa e a centos de estudantes sen servizo”, subliñan.

“Esta fin de semana chegábanos a pésima nova do peche das cafeterías das facultades de Ciencias Económicas e Empresariais (FCCEE) e de Filoloxía e Tradución (FFT) do Campus de Vigo. Este peche imposto pola empresa adxudicataria farase efectivo o día 21 de decembro en ámbalas dúas cafeterías. Como consecuencia as traballadoras serán despedidas quedando na rúa sen dereito a indemnización nin paro”, destacan desde a organización estudiantil.

“Por outra banda, as estudantes destas facultades quedarán sen o servizo ofertado, co prexuízo que iso supón. Se non hai cambios nin resposta pola banda das autoridades académicas esta situación manterase até que se convoque un novo concurso, o cal agora mesmo non está completado no curto prazo”, engade ANEGA.

Por todo isto, dende ANEGA apoian a campaña “Non ao peche” iniciada recentemente polas traballadoras para loitar polos seus dereitos: “Animamos a todo o estudantado a solidarizarse con elas, achegarse ás cafeterías e participar na recollida de sinaturas que haberá nas dúas facultades afectadas. A súa vez, esiximos solución inmediata dende a universidade ante a brevidade dos tempos. Os dereitos fundamentais das traballadoras non poden estar supeditadas aos intereses empresariais”.

Guerra entre Concello de Vigo e Xunta polo cartel no novo albergue de peregrinos de Vigo

E.P.
-
0
Guerra entre Concello de Vigo e Xunta polo cartel no novo albergue de peregrinos de Vigo

O Goberno de Vigo manifestou que é “inconcibible” que a Xunta “conscientemente siga infrinxindo” a ordenanza municipal coa colocación dun cartel na fachada do albergue de peregrinos construído pola Administración autonómica no Berbés, na cidade olívica.

Así se pronunciou despois de que o vicepresidente e conselleiro de Presidencia, Turismo e Xustiza, Alfonso Rueda, lamentou este luns que “non ten moita explicación” que o Goberno local “no canto de celebrar a apertura dun albergue na cidade, só se preocupa por un cartel“. “É unha mostra máis da relación de odio do alcalde co Camiño de Santiago”, resolveu.

Nun comunicado remitido na tarde deste luns, o concelleiro socialista Abel Losada indicou que “lamenta a falta de respecto da Xunta aos cidadáns de Vigo, incumprindo normas urbanísticas que deberían acatar como todos os vigueses”.

“A Xunta insulta aos vigueses ao manter un cartel que contravén as normas; considéranse superiores aos cidadáns e desde o Concello esiximos que cumpran as normas ás que todos nos vemos supeditados”, recalcou.

Neste sentido, asegurou que Rueda “xa deu mostra da animadversión que sente por esta cidade cando se manifestaba en contra de Vigo para que o xulgado do mercantil marachara para Pontevedra”. A iso agregou que “o maior insulto” é que a Xunta “dedique centos de miles de euros a Santiago e nin un só céntimo á cidade de Vigo”.

O BNG quere acabar coa “improvisación” para a reforma de Balaídos

E.P.
-
0
O BNG quere acabar coa “improvisación” para a reforma de Balaídos

O BNG de Vigo propuxo a creación dunha comisión multilateral, con presenza do goberno local, do Real Club Celta, penas celtistas, atletas, Zona Franca e movemento veciñal, para coordinar a reforma do estadio de Balaídos e acabar con “a chapuza e a improvisación” que rodea á obra. Os nacionalistas reclamaron, con esta proposta, superar “o punto de bloqueo derivado da falta de interlocución” entre o goberno de Abel Caballero e a directiva do club.

O concelleiro do BNG, Xabier Pérez Igrexas, criticou a “pésima xestión” que fai o goberno municipal da “problemática” que hai na bancada de Río (os afeccionados queixáronse da falta de espazo entre os asentos), así como o “enésimo cambio de criterio e de prazos” na reforma.

Ademais, lembrou que a obra se converteu nunha “chapuza” que acumula atraso, porque o alcalde “anunciara” que o novo estadio estaría terminado en 2017 e, a día de hoxe, non hai unha data clara para saber cando se iniciará a reforma na bancada de Marcador nin na de Gol.

Por todo iso, o BNG expuxo a creación desa comisión para que a reforma de Balaídos teña como resultado un estadio “máis seguro” e “máis funcional”, pero tamén que sirva para revitalizar a contorna. Esta comisión sería, segundo Pérez Igrexas, un “instrumento para lograr o necesario consenso” e “non seguir dilapidando millóns” nunhas obras que “parece que non lle gustan a ninguén”.

COFINANCIAMENTO DA XUNTA

Pola súa banda, o alcalde, Abel Caballero, volveu a insistir este venres en que a Xunta debe confinanciar as obras de reforma da bancada de Marcador, cuxa investimento estimado está “entre 15 e 20 millóns de euros”.

O rexedor remitiu unha carta ao presidente da Xunta, Alberto Núñez Feijóo, para que o goberno galego achegue a mesma cantidade que Concello e Deputación de Pontevedra nesa parte da reforma, e lembrou que outros gobernos autonómicos colaboraron nas reformas de estadios dos equipos. “O Celta é o único equipo de Galicia en Primeira División, e a Xunta pon cero euros na reforma do estadio”, denunciou.

Por outra banda, e cuestionado polos xornalistas acerca da sanción imposta ao Celta por parte da liga polas deficiencias na iluminación de Balaídos, o alcalde limitouse a afirmar que “o Deportivo (da Coruña) vai investir 1,6 millóns na súa nova iluminación”.

A asociación de veciños de Teis defende a continuidade do estaleiro de Vulcano

Redacción
-
0
A asociación de veciños de Teis defende a continuidade do estaleiro de Vulcano

Unha representación da xunta directiva da Asociación Veciñal de Teis, mantivo esta mañá unha xuntanza nas instalacións de Vulcano cos representantes dos traballadores deste estaleiros para facerlles chegar a súa “posición de defensa do mantemento da construción naval” nos seus terreos –localizados no propio barrio de Teis– “logo da sentenza do Tribunal de Conflitos que anula a concesión”.

“Estamos a falar dun sector estratéxico para a nosa cidade e o noso país. Neste estaleiro ao longo dos cen anos de historia, permitiu que moitos/as veciños/as de Teis, traballaran nestas instalacións e fora o sustento de moitas familias”, subliñan dende a Asociación. Segundo destacan, o sector naval na ría de Vigo ocupa “nos momentos de maior actividade” preto de 9.000 traballadores contando as traballadores das empresas auxiliares.

“Desde a Asociación Veciñal de Teis somos contrarios a que se podan destinar os terreos de Vulcano para loxística e contedores”, subliñan antes de chamar a Xunta e Goberno Central a se implicar no mantemento do estaleiro, uns deberes que tamén poñen á Autoridade Portuaria de Vigo. “Non podemos permitir que desapareza este estaleiro, pois estamos a falar do emprego e do futuro para moitos/as veciños/as de Teis e de Vigo”, rematan.

Envorca co coche no medio de Vigo por ir borracho

E.P.
-
0
Envorca co coche no medio de Vigo por ir borracho

Axentes da Policía Local de Vigo formularon denuncia contra un condutor, A.G.C.V., de 37 anos de idade e veciño de Mos (Pontevedra), por un suposto delito contra a seguridade viaria, ao conducir cunha taxa de alcoholemia que pasaba o límite penal.

Segundo informaron fontes policiais, os feitos ocorreron na tarde do xoves, cando un vehículo que circulaba pola rúa Falperra impactou contra un bolardo da beirarrúa e envorcou sobre o lateral esquerdo, a uns 50 metros da rotonda do Paseo de Alfonso.

O condutor conseguiu saír e estaba apoiado contra o parabrisas, pero resultou ferido leve. Con todo, os axentes que se presentaron no lugar e entrevistáronse con el e decatáronse de que presenta síntomas de atoparse baixo os efectos do alcol.

Así, someteron ao home a un test de alcoholemia e deu resultado positivo (0,78 e 0,77 mg/l) por encima do límite penal, porque tramitaron denuncia por un suposto delito contra a seguridade do tráfico.

1...1.0651.0661.067...2.144Páxina 1.066 de 2.144

HOXE EN GALICIA

Loading RSS Feed