InicioMovementos SociaisConvócase unha gran concentración o día 16 en Vigo polo mantemento das...

Convócase unha gran concentración o día 16 en Vigo polo mantemento das pensións

Ademais, o sindicato CIG inicia unha serie de charlas no Morrazo sobre este asunto: este martes 15 en Cangas, o 23 en Moaña e o día 30 en Bueu.

PUBLICADO O

O vindeiro mércores día 16, ás 12 do mediodía, diversas organizacións de pensionistas convocan unha nova mobilización unitaria, en defensa do sistema público de pensións, pola derrogación da reforma de 2013 na súa totalidade, e para denunciar a “enganosa” revalorización das pensións acordada entre o Goberno e o PNV para aprobar os orzamentos Xerais do Estado.

Os sindicatos CCOO, UGT, a organización Viúvas Democráticas, a UCE, co apoio dos partidos políticos PSOE e EU, e outras organizacións sociais, convocan unha nova concentración diante do MARCO, na rúa do Príncipe, e a continuación unha manifestación ata a Porta do Sol.

As organizacións convocantes denuncian que a revalorización acordada é insuficiente porque só garante a súa vixencia para os anos 2018 e 2019 pero, ao mesmo tempo, segue en pé a reforma do PP de 2013 (tanto o Índice de Revalorización de Pensións como o Factor de Sostibilidade) que supuxo a ruptura do Pacto de Estado sobre as pensións, motivo polo que estas organizacións esixen que a dita reforma ten que ser derrogada na súa totalidade.

CCOO e UGT, avalados por economistas, sosteñen que o sistema público de pensións é viable no futuro mediante un financiamento sostible e suficiente, aplicando políticas equitativas de redistribución da riqueza, activando un sistema impositivo progresivo e asegurando condicións de traballo dignas e de calidade en cada centro de traballo.

Charla-coloquio da CIG sobre o presente e futuro do sistema de Pensións públicas, este Martes en Cangas do Morrazo

Pola súa banda, este martes día 15 ás 19:45, a Confederación Intersindical Galega (CIG) organiza unha charla-coloquio no Salón de plenos do Concello de Cangas onde Antolín Alcántara, sindicalista e membro da Fundación Moncho Reboiras, disertará sobre o estado actual do sistema de Pensións públicas e o seu futuro.

Esta charla é a primeira do ciclo de campañas informativas sobre a situación presente e futura das pensións públicas que CIG está a levar a cabo no Morrazo, tendo en conta a lexislación vixente e os cambios previstos polo Goberno central dentro dos Orzamentos xerais para o ano 2018.

Para a CIG, estas promesas son de todo insuficientes e cunha duración temporal moi limitada, amais de non ir ligadas a modificacións necesarias tanto nas leis reguladoras das pensións públicas e de regulamentación do mercado de traballo como da calidade dos salarios e das cotizacións sociais.

O título xenérico deste ciclo de charlas é “Defender as pensións Públicas: na Galiza emprego, salarios e pensións dignas”, e ademais da deste martes en Cangas, están previstas outras dúas neste mes de maio, en Moaña o día 23 e en Bueu o día 30.

ÚLTIMAS

Detido un home pola súa suposta vinculación co crime da maleta

A Policía Nacional detivo na mañá deste venres a un home pola súa presunta vinculación co...

Vigo rexeita o “caciquismo” do PP na deputación ao “censurar” a relatoras por “causas políticas”

O pleno de Vigo aprobou este venres, cos votos do PSOE e do BNG, unha...

O PPdeG anuncia a “reconstrución” do partido en Vigo “coas mans libres” dos militantes

A xunta xestora do PP de Vigo, presidida por Ana Ortiz, presentouse este mércores formalmente...

Seis adultos e tres nenos quedan atrapados no ascensor Halo, inaugurado o pasado 16 de febrero

Nove persoas, seis adultos e tres nenos, quedáronse atrapados no ascensor Halo de Vigo,...