InicioO MorrazoCangasO ex alcalde de Vigo Ventura Pérez Mariño, ingresado no Cunqueiro tras...

O ex alcalde de Vigo Ventura Pérez Mariño, ingresado no Cunqueiro tras se rescatado nunha praia de Aldán

A súa familia di que o peor xa pasou.

PUBLICADO O

exalcalde de Vigo, Ventura Pérez Mariño, de 72 anos de idade, permanece ingresado en planta do Hospital Álvaro Cunqueiro da cidade olívica, onde foi evacuado a última hora deste mércores, tras ser rescatado do mar nunha praia de Aldán, en Cangas, cando sentía indisposto.

Segundo informaron fontes do 112 Galicia e de Urxencias Sanitarias-061, un particular chamou a Emerxencias pouco antes das 21,00 horas do mércores, para alertar de que varias persoas sacaran do mar a un home “cun baixo nivel de consciencia”.

Ata o lugar, nunha praia da parroquia canguesa de Aldán, desprazáronse unha ambulancia e un facultativo da PAC de Cangas, así como unha ambulancia medicalizada con base en Vigo, que foi a que trasladou a Pérez Mariño ao hospital.

O exalcalde de Vigo ingresou polo servizo de Urxencias do hospital vigués e, segundo puido confirmar Europa Press, permanece ingresado en planta. Fontes próximas á familia sinalaron que “o momento crítico xa pasou” e “parece que se vai a recuperar”.

Ventura Pérez Mariño, maxistrado xa xubilado, foi deputado entre 1993 e 1995 e, en xuño de 2003, foi investido alcalde de Vigo polo PSOE e formou goberno co BNG de Lois Pérez Castrillo. Pero as diferenzas en materia de política urbanística acabaron cunha ruptura do pacto e desembocaron nunha moción de censura, na que o socialista perdeu a alcaldía, que foi asumida por Corina Porro (PP) en decembro dese ano, cos votos do seu grupo e do BNG.

ÚLTIMAS

Tres atracadores levaron uns 300.000 euros a punta de pistola do Caixabank de Gran Vía

A Policía Nacional revisa imaxes gravadas polas cámaras e toma declaracións a testemuñas e empregados para atopar...

A remodelación do Museo Massó de Bueu rematará en 2024

O conselleiro de Cultura, Educación, FP e Universidades, Román Rodríguez, visitou este venres o Museo Massó...

O grupo municipal do PP denuncia que o Concello só dea “3 días” aos grupos para analizar a PXOM tras a súa tramitación “opaca”

O PP de Vigo reprochou este xoves que o Concello olívico só dea "tres días hábiles" aos grupos...

Traballadores de Vitrasa saen de novo á rúa para solicitar que a empresa e o goberno local acheguen unha solución

Decenas de traballadores de Vitrasa, concesionaria municipal do transporte urbano da cidade de Vigo,...