O Pleno municipal do Concello de Arbo, en sesión extraordinaria urxente deste 24 de outubro, acordabou por unanimidade dos membros do plenario mostrar o seu rexeitamento contra a Linea 400 KV Fontefría-Frontera Portuguesa.

O día 16 de setembro de 2019 este concello recibiu expediente para estudio de viabilidade dun trazado alternativo do tramo final da Linea 400 kV Fontefría-Fronteira Portuguesa que pasa entre o límite do veciño concello de As Neves e o barrio de Rozas, dentro da parroquia de Sela. Esta é unha alternativa que tanto o Concello como a veciñanza rexeitan como xa fixeran coa anterior proposta que discurría polos barrios de Valiñas e Poste.

Durante o pleno, Horacio Gil, alcalde de Arbo, manifestou que defenderá sempre o interese de todos os veciños e veciñas de Arbo, mantendo a postura de rexeitamento de calquera liña de alta tensión que afecte a calquera zona dentro do territorio deste municipio, como se recolle no escrito de alegacións que o plenario acordou remitir ao Ministerio.

Neste escrito tamén se insiste no rexeitamento á afección orixinaria aos barrios de Valiñas e Poste. Por iso es pide o arquivo do expediente, así como considerar inviable a conexión coa alternativa proposta polo barrio de Rozas, pola afección ás persoas, ás súas propiedades e ao patrimonio, ademáis de non contar con saída ao enlace co país veciño.