InicioVigo e contornaO PorriñoAdif licita a subministración e transporte de aparellos de vía na estación...

Adif licita a subministración e transporte de aparellos de vía na estación das Gándaras e no tramo Guillarei-Fronteira lusa

Esta actuación de mellora enmárcase dentro da potenciación do Corredor Atlántico.

PUBLICADO O

- Advertisement -

Adif aprobou a licitación dun contrato para a subministración e transporte de aparellos de vía para o proxecto de construción de ampliación de vías de apartado a 750 metros de lonxitude na estación das Gándaras e para a renovación integral de infraestrutura e vía no tramo Guillarei-Fronteira portuguesa.

A actuación sae a licitación cun orzamento de 1.921.530 euros (IVE incluído), informou Adif nun comunicado, no que destaca que o obxecto deste contrato inclúe fabricación, premontaxe e comprobación en taller dos aparellos de vía.

Ademais, aborda a carga do aparello e transporte ao lugar designado pola Dirección de Contrato e coa subministración dos aparellos de vía tamén estará incluído a subministración e transporte de cupóns mixtos que permitan a soldadura dos aparellos coa barra longa.

A iso súmase a subministración e transporte dos compoñentes de reposición máis habituais nos desvíos. Adif indica que “a subministración dos aparellos de vía forma parte das actuacións necesarias para a ampliación das estacións de Tui e As Gándaras permitindo o tráfico de trens de ata 750 metros con Portugal e cara ao resto da Península”.

Neste sentido, as obras correspondentes á estación de Tui xa se licitaron, mentres que as da estación das Gándaras licitaranse proximamente, engade Adif.

Esta actuación de mellora enmárcase dentro da potenciación do Corredor Atlántico, lembra Adif, que inclúe a conexión ferroviaria con Galicia a través do eixo A Coruña-Vigo-Ourense-León.

ÚLTIMAS

Caballero dá por sentado que “Vigo é sede do Mundial” tras a renuncia de Málaga

O alcalde de Vigo, Abel Caballero, deu por sentado que a cidade "é sede do...

Feirantes denuncian trato “inxusto e arbitrario” por parte do Concello do Porriño

A asociación de Empresarios de Atraccións de Feira de Galicia (Emafega) denunciou o trato...

Cardioloxía do Cunqueiro utiliza por primeira vez a nivel mundial unha nova técnica para repor unha prótese aórtica

O servizo de Cardiología do hospital Álvaro Cunqueiro de Vigo realizou o primeiro implante...

Resposta Feminista pide trasladar ao Meixoeiro o servizo de reprodución asistida ante a súa “paralización” polo espazo

Resposta Feminista pediu este luns o traslado ao hospital Meixoeiro de Vigo o servizo...