InicioEconomíaA delegada da Xunta lamenta que as obras do ascensor Halo atrasen...

A delegada da Xunta lamenta que as obras do ascensor Halo atrasen “aínda máis” a apertura da estación de buses

Esixe ao goberno local que axilice os trámites para que se poida abrir canto antes.

PUBLICADO O

A delegada territorial da Xunta en Vigo, Marta Fernández-Tapias, lamentou que as obras do ascensor Halo, que o Concello iniciará o vindeiro martes, atrasarán “aínda máis” a apertura da estación de autobuses intermodal da cidade, situada nas inmediacións de Vialia.

Neste sentido, Fernández-Tapias subliñou que a comisión de seguimento do convenio constatou no seu último encontro que estas actuacións sobre os viarios recentemente asfaltados interferen directamente nos accesos da terminal.

Así mesmo, indicou que na reunión se informou de que os técnicos do Ministerio de Transportes só autorizaron a apertura do conxunto das obras, sen exporse autorizar escenarios intermedios.

“A información que nos trasladan é que mentres que os accesos non se completen non se poderá abrir a estación“, criticou Fernández-Tapias.

Por todo iso, a representante autonómica esixiu ao goberno local que axilice os trámites para que se poida abrir canto antes a estación, despois de que a Xunta xa acabase a súa parte da obra hai xa dous meses.

“Despois de investir 18 millóns de euros o que está a desexar a Xunta é poder pór en servizo dos cidadáns, canto antes, esta estación”, sentenciou Fernández-Tapias.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...