A administración concursal de Maderas Iglesias, empresa situada no Porriño, dedicada á fabricación de tarima, confirmou ao comité que, ata o momento, dúas empresas optan a facerse coa unidade produtiva da compañía, en proceso de liquidación. Así, unha das ofertantes é un grupo empresarial vigués, que contempla a conservación de 76 dos 165 postos de traballo; mentres que a segunda é unha empresa vasca que, a través dunha filial cántabra, propón manter 70 traballadores.

Respecto diso, o comité alertou de que ningunha das opcións garante a totalidade dos empregos e volveu a instar á Xunta a que se implique na procura de novos investidores, “que permitan a conservación dun maior número de empregos”. O órgano de representación do persoal expresou a súa esperanza de que, antes de finalice o prazo de presentación de ofertas, o próximo 31 de agosto, cheguen novas propostas de adquisición que permitan manter máis postos de traballo. En todo caso, calquera operación de venda debe ser autorizada polas entidades financeiras propietarias da maior parte da débeda de Maderas Iglesias.