InicioDeportesVigo paraliza o concurso da escultura de Iago Aspas tras o recurso...

Vigo paraliza o concurso da escultura de Iago Aspas tras o recurso dun participante excluído

O BNG ve «impresentábel» que o goberno local dea máis explicacións sobre a estatua, duns 295.000 euros, ca sobre a licitación do autobús urbano, de 470 millóns e tamén suspendida.

PUBLICADO O

- Advertisement -

O Concello de Vigo suspendeu o procedemento do concurso de proxectos para o deseño e a realización da escultura do futbolista Iago Aspas, que se pretendía colocar nas inmediacións do estadio de Balaídos.

Segundo explica o goberno local nun comunicado, o motivo desta interrupción «temporal» é a interposición dun recurso especial en materia de contratación ante o Tribunal Administrativo de Contratación Pública da Comunidade Autónoma de Galicia (Tacgal). O recurso impugna a inadmisión dun dos participantes, «que foi excluído do procedemento por vulnerar as regras de anonimato establecidas nas bases do concurso». «Ante a posibilidade de que o Tribunal estime o recurso e co fin de evitar a contaminación do procedemento, o Concello adopta a decisión de paralizar a tramitación para dotar o proceso da máxima seguridade xurídica», sinala o executivo municipal.

O portavoz do BNG de Vigo, Xabier Pérez Igrexas, cualificou de «impresentábel» que o goberno de Abel Caballero dese máis explicacións sobre a paralización do contrato para a estatua de Iago Aspas, que terá un custo duns 295.000 euros, ca sobre a licitación do novo servizo de autobús urbano. Este último contrato ascenderá a 470 millóns de euros e tamén foi suspendido, sen que, segundo denunciou o portavoz nacionalista, o Concello informase do acontecido.

ÚLTIMAS

O RC Celta de Vigo multado con 5.000 euros por vender alcol nos palcos VIP

A Comisión Permanente da Comisión Estatal contra a Violencia, o Racismo, a Xenofobia e...

Unha vivenda de 60.000 euros do condenado polo narcosubmarino para facer fronte a 25 millóns de mula

A Audiencia Provincial de Pontevedra sacou a poxa a vivenda de E.C.S.G, un dos...

O Porto de Vigo é “clave” para estar entre as comunidades máis exportadoras, segundo a Xunta

A conselleira de Economía e Industria, María Jesús Lorenzana, recoñeceu este martes que a...

“Hai silencios que doen”: Pepe Álvarez carga contra Rueda tras o ataque explosivo á sede de UGT en Vigo

A violencia contra unha organización sindical non pode quedar reducida a unha cuestión de...