InicioDeportesA Deputación volve pedir a Vigo o proxecto de reforma da bancada...

A Deputación volve pedir a Vigo o proxecto de reforma da bancada de Gol de Balaídos

O presidente da Deputación de Pontevedra, Luís López, asegurou que a súa institución só recibiu un resumo orzamentario "dun folio de extensión".

PUBLICADO O

O presidente da Deputación de Pontevedra, Luís López, volveu a dirixirse ao alcalde de Vigo, Abel Caballero, para reiterarlle o seu “compromiso inequívoco” co cofinanciamento da reforma da bancada de Gol no estadio municipal de Balaídos, e para solicitarlle novamente que remita á institución provincial o proxecto da obra, tras recibir unicamente un resumo orzamentario “dun folio de extensión”.

López expresou a súa coincidencia co rexedor vigués, sobre a necesidade de que a remodelación se leve a cabo canto antes, pero puntualizou que, mentres o goberno local solicita “con urxencia” fondos á Deputación para acometer esa reforma, segue sen remitir o proxecto á institución provincial.

Así, lembrou que “o único documento” que chegou á Deputación foi un resumo orzamentario “dun só folio de extención”, polo que Luís López respondeu a Abel Caballero que, ante unha actuación de tal envergadura, a Deputación necesita coñecer “con todo detalle” o proxecto, “para poder analizalo e avaliar co debido rigor o seu encaixe nos orzamentos provinciais de 2024”.

Por todo iso, Luís López conclúe a misiva dirixida a Caballero sinalando que queda “á espera” de recibir esa información e mostrouse disposto, unha vez estudado o proxecto, a fixar un encontro co alcalde de Vigo para concretar “os termos de colaboración nesta e noutras iniciativas”.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...