O cantautor Víctor Manuel anunciou as primeiras datas da súa xira prevista para 2027, coa que pasará por Alacante, Vigo, La Línea de la Concepción, Ciudad Real, Badaxoz, Mérida e León. En concreto, será o 30 de xaneiro cando o artista visite a cidade olívica.

Víctor Manuel está a pechar os detalles do seu próximo disco, que sairá o vindeiro mes de decembro, segundo explicou a súa discográfica nun comunicado. Ademais, segue inmerso na súa xira actual, que nestes últimos meses de 2026 pasará por Granada, Bilbao, Pamplona, Tarragona, Tenerife, Gran Canaria, Málaga, Murcia, Madrid, A Coruña ou Almería, entre outras. Así, na cidade herculina cantará o 12 de decembro deste ano.