O dúo cubano Gente de Zona actuará no auditorio de Castrelos de Vigo o 17 de xullo no marco das festas da cidade organizadas polo Concello. Así o sinalou nun audio difundido aos medios de comunicación o alcalde, Abel Caballero, que dixo que será un concerto “excepcional”. Foi en 2014 cando Gente de Zona alcanzou o seu primeiro éxito internacional coa canción ‘Bailando’ xunto a Enrique Iglesias. Máis tarde chegarían outros temas como ‘La Gozadera’, con Marc Anthony.