InicioCulturaO Festival de Cans pide colaboración cidadán para facer un documental sobre...

O Festival de Cans pide colaboración cidadán para facer un documental sobre o cura que andaba en vespino

O Festival fai un chamamento a persoas que poidan ter fotografías, vídeos ou audios gravados onde apareza este histórico cura, así como a quen poida aportar testemuñas orais. A cinta levará por título, Don Ceśareo, o cura da vespino.

PUBLICADO O

 O Festival de Cans, cuxa XXI edición terá lugar do 21 ao 25 de maio nesta aldea de O Porriño, promove este ano un documental sobre o cura Cesáreo Silva Campos, que estivo destinado na aldea de cans entre principios dos anos 50 e finais dos 80 do pasado século.

“Don Cesáreo, o cura da Vespino”, será o título deste traballo documental colectivo que se desenvolverá no Proxecto Cans 303, que impulsa o Festival de Cans coordinado polo cineasta e videoartista Juanna Lodo. O obxectivo deste proxecto que comezou hai máis dunha década, é rescatar e preservar a memoria oral e documentación inédita como fotografías, vídeos, rexistros sonoros ou páxinas de xornais impresos.

Cesáreo Silva naceu en 1930 no barrio de Atín, na parroquia de Cela en Mos, e estivo destinado como cura a maior parte da súa vida, nas parroquias de Atios e Cans.  Don Cesáreo converteuse ao longo de varias décadas nunha figura imprescindible da paisaxe local. Un cura corpulento, sempre vestido de sotana, con grandes gafas de aumento e movéndose dun lado a outro cunha motocicleta Vespino de cor laranxa, do que case cada persoa pode contar unha anécdota que provoque un sorriso. Desde as sorprendentes homilías que pronunciaba nas vodas, compadecéndose da Virxe María porque decía que “non tiña lavadora”, ata enérxicas discusións, nunha época na que os curas andaban polas casas da xente na Pascua ou nas festas, e se sumaban a unhas comidas interminables. Don Cesáreo faleceu no ano 2010.

O Festival de Cans fai un chamamento para que calquera persoa que teña fotografías, vídeos de vodas, rexistros de audio ou poida aportar historias arredor do cura Cesáreo Silva, poida comunicalo ao certame nunha mensaxe a través das súas redes sociais ou a través de whatsapp no número 657062771. O resultado do traballo poderá verse publicamente na vindeira edición do Festival de Cans. 

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...