InicioCultura'A Homenaxe' achegará a música do gaiteiro Julio Vázquez Carril e o...

‘A Homenaxe’ achegará a música do gaiteiro Julio Vázquez Carril e o baile tradicional de Oliva López López a Vigo

O Grupo Etnográfico A Buxaina de Coruxo celebrará, o próximo sábado 23 de marzo, 'A Homenaxe' no teatro Afundación de Vigo. O acto comezará ás 20.00 horas e a apertura de portas será ás 19.30 horas.

PUBLICADO O

- Advertisement -

O Grupo Etnográfico A Buxaina de Coruxo celebrará, o próximo sábado 23 de marzo, ‘A Homenaxe’ no teatro Afundación de Vigo. O acto comezará ás 20.00 horas e a apertura de portas será ás 19.30 horas. Trátase dun acto anual que A Buxaina organiza en colaboración co Centro Recreativo Artístico e Cultural de Coruxo (CRACC) e que ten como obxectivo principal dar a coñecer a aquelas persoas que, de xeito altruísta, souberon conservar e transmitir a sabedoría do noso baile e música tradicionais. Trátase, xa que logo, de apreciar a quen soubo atesourar a identidade do noso pobo.

Para isto, desta volta os homenaxeados serán a bailadora Oliva López López, da Fonsagrada, e o gaiteiro Julio Vázquez Carril, de San Miguel, en Arzúa. Ademais desta homenaxe, tamén haberá actuacións dos grupos ‘De Ninghures’, septeto formado por xente moza de distintas partes da xeografía galega comprometida coa música, o baile e a lingua a través do seu proxecto de música folk, e o grupo de baile a Mámoa de Luou. Tamén contarán coa presenza de Celso Fernández Sanmartín, recoñecido poeta e contacontos nado en Lalín, como presentador desta edición.

‘A Homenaxe’, previamente chamada ‘Homenaxe ao Gaiteiro’, homenaxeou desde o seu comezo a persoas que bailaban ou tocaban instrumentos tradicionais, polo que dende a pasada edición o cambio de nome pretende reflectir esa inclusión, riqueza e variedade que sempre estivo presente no acto. Dende A Buxaina invitan a todo o mundo a pasar unha noite máxina na que se gozará de grandes actuacións e se descubrirá a traxectoria musical de persoas que inspiraron e ensinaron a outras moitas.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...