InicioMedio Ambiente e PatrimonioPropoñen unha multa de 26.335 euros ao concello de Ponteareas por verquidos...

Propoñen unha multa de 26.335 euros ao concello de Ponteareas por verquidos ao río Tea

Trátase dun espazo protexido na Rede Natura 2000. Ademais, non é a primeira multa que ten que abonar o Concello de Ponteareas polo mesmo delito.

PUBLICADO O

- Advertisement -

O Grupo Ecoloxista ADENCO acaba de recibir notificación da proposta de sanción da Confederación Hidrográfica Miño-Sil ao concello de Ponteareas polos verquidos da depuradora ao espazo protexido río Tea, denunciados no seu momento pola entidade ecoloxista do Condado e que supuxeron a apertura dun expediente sancionador ao concello.

Na resolución, a Confederación constata a realización de verquidos ao cauce do Tea desde a depuradora da Moscadeira superando os valores límite de concentración de verquido e causando danos ao dominico público hidráulico.

Por estas actuacións, propón unha multa ao concello de Ponteareas de 22.900 euros
polos verquidos e de 3.435 euros por danos no dominio público hidráulico, rexeitando todas as alegacións realizadas polo concello.

O Organismo de conca sinala que existen circunstancias agravantes no expediente sancionador, concretamente a reiteración na conduta infractora, xa que o concello de Ponteareas ten sido sancionado por infraccións similares e a afección a un espazo protexido incluído na Rede Natura, a Zona de Especial Conservación Río Tea.

Verquido no Tea/ Adenco

Esta sanción ao concello de Ponteareas súmase a outras vinculadas co río Tea que se teñen imposto nos últimos anos á entidade municipal. Desde ADENCO lémbrase que as multas, que xa ascenden a ducias de miles de euros, págaas toda a veciñanza e son froito da mala praxe municipal.

Nese senso, como leva facendo desde fai anos, o Grupo Ecoloxista esixe ás autoridades competentes que se solucionen dunha vez estes vertidos da depuradora ao río Tea e se depuren responsabilidades. Desde o Grupo Ecoloxista agárdase que non se volten repetir feitos como os que motivaron a proposta da sanción por parte da Confederación.

ÚLTIMAS

Vigo declara deserta a licitación do mercadillo de Nadal

O Concello de Vigo declarou "deserta" a licitación para a instalación do mercadillo do...

Concello e UVigo asinan un convenio para traballar na candidatura das Cíes a Xeoparque da Unesco

O alcalde de Vigo, Abel Caballero, e o reitor da Universidade de Vigo (UVigo), Manuel Reigosa, asinaron...

O Teatro Afundación de Vigo acollerá o 4 de outubro o grupo tributo de The Beatles Abbey Road

O Teatro Afundación de Vigo acollerá o próximo 4 de outubro o grupo tributo...

O BNG de Vigo reclamará en pleno a dimisión de Rueda pola súa “neglixente” xestión nos incendios

O BNG de Vigo reclamará no próximo pleno municipal a dimisión do presidente da...