InicioMedio Ambiente e PatrimonioExtinguido o incendio de Ponteareas, mentres que o de Moaña continúa baixo...

Extinguido o incendio de Ponteareas, mentres que o de Moaña continúa baixo control

O foco de Moaña obrigou o luns a cortar a autovía do Morrazo durante unhas horas.

PUBLICADO O

- Advertisement -

O incendio que afecta o concello de Ponteareas xa foi extinguido, segundo informou a Consellería do Medio Rural a través das súas redes sociais. Finalmente, a superficie afectada foi de 20,96 hectáreas.

O lume orixinouse na parroquia de Guillade e deuse por controlado pasadas as 21,00 horas do martes, sendo extinguido este mediodía. Traballaron na zona dous técnicos, 16 axentes, 43 brigadas, 29 motobombas, dúas pas, un tractor, seis avións e nove helicópteros.

Pola súa banda, o foco de Moaña, iniciado na parroquia de Meira, deuse por controlado este martes ao redor das 17,30 horas. Cunha afectación aproximada de 20 hectáreas, traballan na zona 14 axentes, 33 brigadas, 30 motobombas, oito avións e cinco helicópteros.

Este lume obrigou o luns a cortar a autovía do Morrazo durante unhas horas. A alcaldesa de Moaña, Leticia Santos, explicaba que, durante a tarde, se viviu unha situación crítica, “cos veciños apagando o lume desde terra”, aínda que apuntou que non houbo desaloxos porque os habitantes traballaban na zona con caldeiros e mangueiras.

Nos dous incendios foi necesario activar durante a tarde do luns a coñecida como ‘Situación 2’, nivel de risco de emerxencia pola proximidade das chamas a núcleos habitados. A rexedora municipal de Ponteareas, Cristina Fernández Davila, explicaba o luns que “o lume chegou moi preto, ao límite das vivendas”. Veciñanza colaborou cos seus medios mollando a contorna das vivendas.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...