Un incendio nun coche obriga a cortar o túnel da A-52 de Folgoso, na Cañiza 

Túnel de Folgoso / Galicia 24 Horas
Túnel de Folgoso, na A-52 / Galicia 24 Horas

Un incendio declarado nun vehículo obrigou a cortar o túnel mái longo de Galicia, o da A-52 de Folgoso, no municipio da Cañiza, en sentido Ourense.

Diso informou o CIAE 112 Galicia, que sinala que o suceso tivo lugar ao redor das 11,45 horas deste domingo. Un particular chamou á central de emerxencias para informar que había varios turismos parados no interior do túnel, no que había pouca visibilidade pola acumulación de fume.

O persoal do 112 puxo os feitos en coñecemento do Grupo de Emerxencias Supramunicipal (GES) e Bombeiros de Ponteareas, da Garda Civil de Tráfico e dos Bombeiros de Vigo.

No punto, os efectivos desprazados ao lugar comprobaron que o condutor do vehículo sufocara cun extintor as chamas. O coche xa foi retirado da vía por un guindastre.

DEIXAR UN COMENTARIO

Please enter your comment!
Please enter your name here