Un incendio declarado nunha granxa de Tomiño causou a morte de aproximadamente 4.000 galiñas que se atopaban na instalación, calcinada por un lume que se iniciou nun alpendre próximo á nave onde estaban as aves.

Diso informa o CIAE 112 Galicia, que recibiu o aviso ás 23,15 horas da noite do venres. Ata a nave, dedicada á expltoación avícola no lugar da Salgosa, desprazáronse efectivos dos bombeiros do Porriño e Vigo, así como do GES da Guarda.

Os profesionais lograron conter as chamas, que causaron, ademais da morte das 4.000 aves que se atopaban no interior da nave, danos na estrutura do edificio.