Axentes da Policía Nacional fixeron entrega de xoguetes no Hospital Álvaro Cunqueiro, en Vigo, a nenos ingresados na unidade de oncoloxía.

Esta campaña de recollida de xoguetes realizouse a través da asociación Bicos de papel, que traballa con nenos oncolóxicos, e a asociación Cada neno un xoguete, que se encarga de recuperar e rehabilitar xoguetes usados e distribuílos entre as familias máis necesitadas.

A asociación Cada neno un xoguete mostrouse “moi agradecida e ilusionada polo éxito desta campaña, a gran cantidade de xoguetes recolleitos e o bo estado dos mesmos”.

Tamén se repartiron adhesivos, marcapáginas e carnés de policía infantil, de forma que se achega “aos máis pequenos a imaxe policial, compartindo uns minutos con estes nenos”.