O alcalde de Vigo, Abel Caballero, fixo este luns o primeiro balance do aceso das luces de Nadal da cidade, asegurando que unhas 45.000 persoas asistiron presencialmente ao acto, das cales 9.000 estaban en Porta do Sol e o resto nas zonas próximas.

Na súa rolda de prensa diaria, o rexedor olívico puxo en valor a importancia das festas do Nadal para a urbe e agradeceu aos medios de comunicación a cobertura mediática que cada ano ten o aceso.

Segundo indicou, a previsión é que uns 3 millóns de persoas visiten a cidade, o que redundará nos hoteis vigueses e do resto da provincia. Precisamente este pasado sábado, a ocupación rozou o 100% debido ao acto do aceso.

Abel Caballero tamén informou que a partir do día 1 de decembro porase en marcha o bus turístico que percorrerá as luces de Nadal.