Catro persoas resultaron feridas nun accidente de circulación no que se viron implicados outros tantos vehículos que circulaban á altura da Cañiza (Pontevedra) pola autovía A-52.

O accidente, segundo relatou o CIAE 112 Galicia, tivo lugar no punto quilométrico 275 en sentido a Ourense ás 07,30 horas deste luns.

En total, catro dos ocupantes dos vehículos involucrados no sinistro tiveron que ser evacuados a un centro hospitalario. Ademais dos servizos de emerxencia, tamén foi necesaria a intervención do servizo de mantemento da autovía.