InicioSociedadeA venda do hospital Povisa de Vigo "compromete o dereito a unha...

A venda do hospital Povisa de Vigo “compromete o dereito a unha asistencia sanitaria de calidade” segundo a CIG

A organización sindical reiterou a súa preocupación ao entender que este novo movemento empresarial compromete o dereito a unha asistencia sanitaria de calidade para miles de persoas na área de Vigo.

PUBLICADO O

- Advertisement -

A sección de Saúde da Confederación Intersindical Galega (CIG) de Vigo advertiu de que a nova venda do hospital Povisa da cidade olívica compromete o dereito a unha asistencia sanitaria de calidade.

Así o sinalou a CIG despois de que a Comisión Nacional dos Mercados e a Competencia (CNMC) autorizase a venda do grupo valenciano Ribera Salud, propietario de Povisa, á compañía francesa Vivalto Santé.

Neste sentido, a organización sindical reiterou a súa preocupación ao entender que este novo movemento empresarial compromete o dereito a unha asistencia sanitaria de calidade para miles de persoas na área de Vigo.

“Este tipo de operacións evidencian o risco de converter o coidado da nosa saúde nun negocio privado, no que compran e venden centros sanitarios en función dos intereses económicos dos accionistas das compañías que os xestionan, co obxectivo de minimizar os custos e maximizar os beneficios“, lamentou a CIG.

Por iso, consideran “especialmente grave” que isto ocorra co hospital Povisa, que mantén un concerto co Servizo Galego de Saúde (Sergas) para darlle asistencia a 135.000 persoas da área sanitaria de Vigo.

Ademais, a CIG lembrou que xa en 2019 rexeitara a venda de Povisa a Ribeira Saúde, defendendo como alternativa a súa compra por parte da Xunta.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...