InicioVigo e contornaVigoVigo baixará un 50% o IBI para as vivendas con instalacións de...

Vigo baixará un 50% o IBI para as vivendas con instalacións de enerxías renovables

"Imos favorecer enerxías limpas e alternativas que axuden a paliar a alza dos prezos da enerxía. Fomentamos a transición a enerxías limpas de menor custo para a cidadanía", reivindicou o concelleiro de Facenda, Jaime Aneiros.

PUBLICADO O

- Advertisement -

O goberno local de Vigo levou este mércores ao pleno a modificación da Ordenanza Fiscal Xeral para a rebaixa do Imposto de Bens Inmobles (IBI) aos cidadáns que contan con instalacións de enerxías renovables, como solar, nas súas vivendas ou edificios.

Tal como explicou o concelleiro de Facenda, Jaime Aneiros, esta rebaixa será do 50% durante tres anos desde a súa instalación. Ademais, as persoas que o fixesen con anterioridade tamén terán un réxime transitorio.

“Imos favorecer enerxías limpas e alternativas que axuden a paliar a alza dos prezos da enerxía. Fomentamos a transición a enerxías limpas de menor custo para a cidadanía”, reivindicou.

Entre outras cousas, este mércores o Concello olívico tamén aprobou no seu consello de xerencia urbanística a selección de obras das novas fases de rehabilitación e renovación. Así, serán un total de 147 actuacións por un importe de máis de 2,31 millóns de euros.

Tamén aprobou a primeira selección de obras da convocatoria de remanentes dos plans 2013-2016 e a súa prórroga, sumando 21 obras máis con 80.000 euros.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...