A Ministra de Transición Ecolóxica e Reto Demográfico, Teresa Ribera, pediu “solucións creativas” para a iluminación do Nadal e rexeitou impor normas para todos os concellos.

“Non ten moito sentido que haxa alguén que teña que dicir o que se ten que facer porque, ademais de ser un papel moi antipático, trátase de interpelar á vontade de contribución de todo o mundo“, explicou Ribeira nunha entrevista en Onda Cero recollida por Europa Press.

“Imos ver se hai solucións creativas ao adorno de Nadal”, engadiu a ministra, quen asegurou estar en conversións positivas coa Federación Española de Municipios e Provincias (FEMP) “en termos dun compromiso” por parte de concellos e deputacións sobre como aforrar”.

Para Ribera é “moi importante que sexan os propios actores quen decidan como canalizar a súa contribución ao aforro e a eficiencia”. E, en referencia ao Alcalde de Vigo, Abel Caballero, e á promoción da iluminación do Nadal que realiza da súa cidade, a ministra lembrou que “el está a subliñar que usa lámpadas led e que reducirá as horas de aceso”.