InicioVigo e contornaVigoA Xunta promete poñer paneis solares en escolas para aforrar enerxía

A Xunta promete poñer paneis solares en escolas para aforrar enerxía

O executivo destinará 70.000€ a un centro de Vigo para instalar as placas.

PUBLICADO O

- Advertisement -

A delegada da Xunta en Vigo, Marta Fernández-Tapias, visitou este xoves o Centro de Educación Especial Saladino Cortizo, un dos centros educativos nos que o Goberno galego instalará paneis solares fotovoltaicos para impulsar o aforro enerxético. Así, a representante autonómico informou de que a Xunta investirá uns 77.000 euros no devandito centro para esta obra, que suporá, ademais, a substitución da iluminación actual, a reforma da antiga casa do conserxe, a adaptación dun aseo e a creación dun patio inclusivo.

Estas obras enmárcanse dentro do Plan de Nova Arquitectura Pedagóxica, a folla de ruta da Xunta que senta os alicerces para a construción e reforma dos centros educativos nos próximos anos, con espazos máis sustentables e cunha maior calidade ambiental. De feito, do total de 191 millóns de orzamento do Plan, máis do 40% está destinado a actuacións de sustentabilidade e eficiencia enerxética, segundo explica o Executivo autonómico nun comunicado.

“Este tipo de accións contribúen a avanzar na transición enerxética apostando por novas enerxías máis eficientes, á vez que trata de paliar os efectos da subida de prezos da enerxía e dos combustibles”, subliñou Marta Fernández-Tapias.

ÚLTIMAS

O BNG esixe cambiar o plan de tráfico do Nadal de Vigo tras o “caos” do acendido das luces e o desfile de Disney+

O BNG de Vigo urxiu ao Goberno municipal que "rectifique" o plan de tráfico...

“Ameaza a supervivencia do barrio”: Lavadores mobilízase contra o proxecto de vivendas da Xunta

Máis de mil veciños do barrio vigués de Lavadores asinaron unha carta dirixida ao...

O histórico Teatro Fraga de Vigo volverá á vida: case 20 millóns de euros para unha reforma que comezará en 2027

O Consello da Xunta autorizou este luns a licitación das obras de restauración do...

“O sábado foi un día histórico en Vigo”, di Caballero

O alcalde de Vigo, Abel Caballero, asegurou este luns que a ocupación hoteleira na...