A feira do vehículo de ocasión Motorocasión de Vigo pechou as súas portas este domingo tras máis de 300 vendas e case 10.000 visitas entre o catro días de evento, que comezou o pasado xoves, 5 de maio.

Máis de 30 marcas estiveron presentes no salón, con 800 unidades expostas con prezos que ían desde os 8.990 euros aos case 200.000 euros dalgúns modelos de alta gama.

O cómputo de vendas polo momento alcanzou os 300 vehículos, a pesar de que a organización indicou que esta cifra irá en aumento co paso das semanas, unha vez se vaian pechando as operacións abertas durante o certame, achegando a cifra de negocio conseguida aos 4 millóns de euros.

A XXII edición de Motorocasión Vigo chegou tras o “éxito” do Salón do automóbil e a motocicleta, tamén levado a cabo no instituto feiral de Vigo (Ifevi) unha semana antes.