O grave accidente que tivo lugar este domingo pola noite durante a celebración dun concerto do Marisquiño ten un balance provisional de máis de medio cento de feridos.

Segundo fontes de Emerxencias, o persoal sanitario tería atendido a máis de 50 persoas con feridas de diversa consideración. A Policía Nacional xa descartou que haxa mortos neste accidente.

O sinistro tivo lugar durante o último concerto do Marisquiño, cando parte do peirao do porto de Vigo cedeu e provocou que a xente caíra, algunha mesmo a auga. Testemuñas directas aseguran que a sensación foi “como dunha avalancha caendo uns por riba dos outros”.