InicioVigo e contornaVigoCalcinado un coche en Vigo tras outro incendio nun garaxe

Calcinado un coche en Vigo tras outro incendio nun garaxe

É o segundo lume desta natureza en menos de 24 horas.

PUBLICADO O

- Advertisement -

Un coche resultou totalmente calcinado no incendio rexistrado nun garaxe dun edificio da rúa Escultor Nogueira de Vigo, no que non se rexistraron danos persoais. O 092 recibiu unha chamada pouco antes das 23.00 horas deste domingo, na que se alertaba dunha fumareda branca saíndo do interior dun garaxe nesta rúa.

Ata o lugar desprazáronse diversas dotacións de bombeiros da cidade, tanto do parque de Teis como do parque provisional de Coruxo, mentres que axentes da Policía Local acordoaron a zona e cortaron o tráfico para facilitar os labores de extinción e o acceso aos vehículos de emerxencias.

A pesar da intensa fumareda non foi necesaria a evacuación dos veciños do inmoble e, unha vez sufocadas as chamas, os axentes comprobaron que no garaxe, que dispón de 8 prazas de aparcadoiro, había catro vehículos estacionados. As chamas afectaron a un deles, que quedou practicamente calcinado, e os primeiros indicios apuntan a que foi un episodio fortuíto, ao orixinarse o incendio no motor do coche.

Dáse a circunstancia de que este foi o segundo incendio nun garaxe rexistrado este domingo xa que, á primeira hora da mañá, os efectivos de emerxencias tiveron que intervir nun edificio na rúa Teixugueiras, en Navia. Nese caso, o lume afectou a máis dunha trintena de coches, e a metade acabaron esnaquizados; así mesmo, un par de veciños e tres bombeiros tiveron que ser atendidos por urxencias sanitarias debido á calor e a inhalación de fume.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...