Suído Rede Natural Xa! Esta é a protesta que se pode ler nunha pancarta que o colectivo A Rente do Chan-Pladever colgou dunha torre anemométrica de 30 metros nun acto o pasado 29 de xullo. Con este acto, no que tamén participou o colectivo SOS Suído Seixo, o grupo activista reivindica a Rede Natura como figura de protección dos montes.
Dende o colectivo A Rende do Chan-Pladever consideran que a proliferación de proxectos eólicos por toda Galicia “é un despropósito medioambiental e patrimonial“. En concreto, denuncian que a Serra do Suído “xa soporta moita infraestrutura eólica e representa un dos últimos redutos naturais da provincia de Pontevedra”.
O expediente de declaración da Serra do Suído como espazo Natural Protexido a través da Rede Natura leva paralizado dende o ano 2007, polo que o colectivo reclama alternativas de desenvolvemento sustentable para a conservación destes hábitas.
Unha torre do Monte do Ceo, no concello de A Lama, foi o lugar elixido para colocar unha pancarta coa que denunciar “o espolio enerxético” e reclamar a Rede Natura para a rede do Suído. A colocación do cartel, que se celebrou ás 19.30 horas, foi levada a cabo por dúas persoas escaladoras sen ocasionar ningún tipo de dano á infraestrutura, como explicou o colectivo ecoloxista.
