Ás 20:15 horas deste domingo 15 de xullo produciuse un accidente por alcance no
Paseo de Alfonso XII. No mesmo víronse implicados unha bicicleta e un turismo.
O ciclista -un varón de 50 anos- someteuse á proba de drogas cun resultado positivo en cocaína e opiáceos, e que se tramitou por vía administrativa.

Ademais, o día anterior, sábado 14 de xullo, tivo lugar un atropelo ás 13:53 horas na Rúa Elduayen. Ao parecer, o condutor dunha motocicleta que se atopaba estacionada sobre a
beirarrúa incorporábase á circulación, e na manobra de acceso á calzada golpeou a dous peatóns.

A motocicleta era conducida por un varón de 48 anos. As atropeladas, de 23 e 27 anos respectivamente, responden ás iniciais de M.H.D. e K.L. e ambas resultaron feridas de carácter leve.