InicioSociedadeMalos datos para a área de Vigo, onde seguen repuntando os casos...

Malos datos para a área de Vigo, onde seguen repuntando os casos activos de covid-19

Mentres a tendencia en Galicia é descendente, na comarca viguesa crecen por segundo día consecutivo.

PUBLICADO O

- Advertisement -

Os casos activos de covid-19 seguen coa súa tendencia descendente no conxunto de Galicia. En concreto, sitúanse nos 2.309, o que supón 48 menos que a xornada anterior grazas a que as altas superan os novos diagnósticos.

Porén, a área de Vigo rexistra unha repunta dos pacientes covid por segundo día consecutivo, ata o total de 560, isto é, 23 máis; igual que a de Pontevedra-O Salnés, onde subiron lixeiramente ata os 209, tres máis. Son as únicas áreas onde aumentan os casos.

En canto aos contaxios detectados en 24 horas con calquera tipo de probas, no conxunto de Galicia baixaron ata os 122 –117 confirmados cunha PCR–. Son unha trintena menos que os 152 notificados o sábado.

Das novas infeccións detectadas, a área sanitaria de Vigo é a que concentra máis, até 52, aínda que son cinco menos que as 24 horas previas.

O cómputo total de contaxiados polo coronavirus en Galicia ascende a 116.616, dos cales 28.309 concéntranse na área da Coruña; 22.085 na de Vigo; 18.431 na de Santiago; 14.821 na de Ourense; 12.718 na de Pontevedra; 12.009 na de Lugo; e 8.243 na de Ferrol.

En canto á presión hospitalaria, Vigo sitúase nos 45 ingresados (-4), dos cales cinco (-1) están críticos.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...