A planta viguesa de PSA (Stellantis) informou este martes ao comité de empresa de que parará a súa produción na quenda de noite do mércores, debido a problemas de subministración.

Esta parada afecta á xornada nocturna dos dous sistemas de montaxe, e tamén ao taller de baterías, o que supón algo máis de 1.500 traballadores.

A factoría viguesa xa tivo que paralizar a súa produción hai un par de semanas por desabastecemento ligado á escaseza de microchips. Esa parada supuxo deixar de fabricar uns 2.000 vehículos.