Esta mañá procedíase á tala dos últimos cedros de gran porte que coronaban a praza da Ronda de Don Bosco en Vigo.

Os motivos esgrimidos dende o Concello responden, segundo sinalan, a uns informes técnicos internos e externos que recomendaban a súa tala por risco de derrube.

Foran os dous únicos cedros que se salvaran logo de que iniciarse o proxecto de humanización e outras dúas ábores cederan e cairan na mesma praza.

Naquel momento o alcalde, Abel Caballero, sinalaba como culpable á acción da propia gravidade (eran árbores de doce metros) e un raizamen “moi endeble”. Así mesmo o rexidor comprometérase a prantar outras especies de igual porte para esta praza.

A humanización na Ronda de Don Bosco causou grande estupor e controversia con motivo da tala destas árbores lonxevas que conformaban a imaxe desta céntrica rúa.

Caballero xa anunciou que vai sustituir todas as árbores por especies de igual porte como o liquidámbar así como de menor porte como ginko biloba e glicinias.

Os cedros estaban catalogados e protexidos segundo o propio inventariado municipal.