Dúas persoas resultaron feridas na mañá deste venres en Redondela nunha colisión con tres turismos implicados. Segundo a información recollida no 112 Galicia, os dous accidentados tiveron que ser trasladadas a un centro médico.
O accidente produciuse na N-552, ao fío das 9,10 horas. Foi, nese momento, cando un particular deu a voz de alarma sobre o accidente ao 112 Galicia.
O 112 Galicia solicitou a intervención de Urxencias Sanitarias de Galicia-061, dos axentes da Garda Civil de Tráfico e da Policía Local, do Servizo de Emerxencias e Incendios de Redondela e da Agrupación de Voluntarios de Protección Civil da localidade.
