O falecemento doutras catro persoas –tres en centros hospitalarios e un na residencia de Outeiro de Rei cun brote– elevan a 701 as persoas falecidas con COVID-19 en Galicia.
Así o informou este xoves a Consellería de Sanidade, que indicou que nas últimas 24 horas faleceron en centros hospitalarios unha muller de 56 anos ingresada no Hospital Álvaro Cunqueiro, un home de 56 anos no CHOP e unha muller de 77 no HULA –tamén procedía da residencia de Outeiro de Rei–. Todos eles presentaban patoloxías previas.
Ademais, na xornada deste mércores pasado rexistrouse un falecemento dunha persoa con COVID na residencia de maiores DomusVi Lugo en Outeiro de Rei, concretou Sanidade.
Deste xeito, Galicia rexistrou ata a data 701 falecementos de persoas con COVID, delas 142 en residencias e 168 corresponden a persoas en hospitais e residencias integradas. E do total, 391 vítimas faleceron en centros hospitalarios.
