Un boleto selado nun establecemento da localidade pontevedresa de Redondela foi o único acertante do primeiro premio do sorteo da Bonoloto do pasado sábado, agraciado con 1,3 millóns de euros.

A aposta foi realizada na administración número 2, ‘La Coca de Oro’, na rúa Xeneral Rubín do centro da vila redondelana.

O boleto foi o único acertante dos números do sorteo (21, 31, 25, 24, 16 e 10), do complementario (41) e o reintegro (9), polo que leva o máximo premio: un total de 1.305.581,62 euros.