Unha vintena de familiares de usuarios da residencia DomusVi de Aldán, en Cangas do Morrazo, concentráronse novamene este domingo fronte a estas instalacións para pedir xustiza, clamar contra “a falta de persoal” e “obrigar a Xunta a que actúe”.

O presidente da Asociación Vellez Digna, Francisco Xosé Bernárdez Solla, lembrou que nesta residencia chegou a haber máis dun centenar de anciáns contaxiados de coronavirus ,e polo menos, unha vintena faleceron nestas instalacións, aos que habería que engadir máis usuarios que morreron en hospitais.

Os familiares insisten en que a cantidade de vítimas da COVID-19 no centro é consecuencia de “a falta de persoal”.