InicioPolíticaO BNG pide no Congreso medidas para a preservación como BIC do...

O BNG pide no Congreso medidas para a preservación como BIC do cargadoiro de Coto Wagner, en Redondela

Os nacionalistas denuncian que o presidente da Autoridade Portuaria, Enrique López Veiga, trata de dedicar esa chaira ao almacenamento de grandes colectores.

PUBLICADO O

- Advertisement -

O deputado do BNG no Congreso, Néstor Rego, pediu ao Goberno central no Congreso que tome “as medidas necesarias” para a preservación e restauración como ben de interese cultural (BIC) do cargadoiro portuario de Coto Wagner na parroquia de Cedeira, en Redondela.

O BNG informa de que a construción “destaca pola súa estrutura metálica singular” que, tras acabar a súa actividade industrial a mediados dos 70, “quedou abandonada polas distintas administracións públicas durante 40 anos”.

Ademais, engade o BNG, atópase nun enclave “privilexiado” xunto á Fábrica do Alemán –actual Museo de Meirande– e ás ruínas do Castelo de Rande, entre outros puntos de interese histórico.

Por iso, Néstor Rego solicitou que se faga público o proxecto que pensa acometer no lugar a Autoridade Portuaria de Vigo, entidade dependente de Portos do Estado, no Ministerio de Transportes, Mobilidade e Axenda Urbana.

Neste sentido, o deputado nacionalista lamenta que esta institución portuaria “tentou en varias ocasións nos últimos anos dedicar o cargadoiro e as zonas anexas a distintas finalidades que porían en risco a preservación da contorna natural e o valor cultural da zona”.

Así, o BNG alerta de que o actual presidente da Autoridade Portuaria, Enrique López Veiga, trata de dedicar esa chaira ao almacenamento de grandes colectores coa súa “intención de desmantelar este enclave histórico”. Fronte a iso, o Bloque ve “fundamental” que se conserve este patrimonio e se poña “ao servizo da sociedade”.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...