Vellez Digna, nun escrito asinado polo seu presidente, sinala que acatan o auto de sobreemento do Xulgado de Primeira Instancia e Instrución n ° 1 de Cangas. Dito auto emitiuse en referencia á denuncia presentada no cuartel da Garda Civil de Cangas e dirixida a Fiscalía Superior de Xustiza de Galicia. A sorpresa para Vellez Digna foi que a denuncia acabase nos xulgados de Cangas.

Desde a asociación consideran que ven motivos para o recorrer o auto do xulgado de Cangas. Non obstante, Vellez Digna non levará adiante o recurso porque que xa foron admitidas a tramite denuncias novas e ampliadas, que inclúen os feitos xa denunciados e outros. Por outra parte, Vellez Digna non entende que se declare un sobreseemento sen “tan sequera practicar unhas mínimas comprobacións do denunciado”.

A asociación de familiares discrepa abertamente do trato que “se nos dá nese auto” e que consideran un abuso e un atropelo. Algúns dos parágrafos que sinalan son os que se refiren no auto á “exhibición mediática” dos feitos denunciados, que se denuncia “falta de persoal e material” cando esas carencias tamén se dan “no conxunto da sociedade”. Finalmente, o xulgado sinala que “ningún dos órganos competentes puxo en coñecemento a existencia de situacións que podan ser delictivas”.