Os pacientes dados de alta en Galicia son xa 1.507, un 3,5% máis que o venres, e os casos aínda activos sitúanse nos 6.147 (+5), segundo os datos da Consellería de Sanidade.

Desta maneira, segue á alza o número de persoas que superaron a enfermidade (+51) e iso contribúe —xunto ao número de persoas falecidas— a que o total de casos activos só crecese en cinco persoas.

A área sanitaria que máis afectados contabiliza é a da Coruña con 1.382 (+11), por detrás atópase Ourense con 1.200 (-7); Vigo con 1.089 (-6); Santiago con 1.030 (=); Lugo con 594 (+3), Pontevedra con 507 (+2) e Ferrol con 345 (=).

En función da asistencia que reciben os pacientes, 115 permanecen na UCI, 598 están en unidades de hospitalización e 5.434 no seu domicilio

A Dirección Xeral de Saúde Pública desta consellería tamén precisou o ata o día de hoxe realizáronse 60.258 PCR.