InicioEconomíaAsime valora a decisión da Audiencia Provincial sobre a concesión de Vulcano...

Asime valora a decisión da Audiencia Provincial sobre a concesión de Vulcano e espera que sirva “de lección”

A Asociación de Industriais Metalúrxicos de Galicia criticara duramente a actitude do Porto de Vigo por recorrer o plan de liquidación do estaleiro.

PUBLICADO O

- Advertisement -

A Asociación de Industriais Metalúrxicos de Galicia (Asime) valorou o auto da Audiencia Provincial de Pontevedra sobre a concesión do dominio portuario do estaleiro Vulcano, e expresou a súa satisfacción porque o tribunal avale que a liquidación da empresa inclúa esa concesión.

A patronal do metal lembrou que defendeu “desde o primeiro momento” que a unidade produtiva do estaleiro debe liquidarse como un todo, para permitir a continuidade da actividade industrial (construción e reparación naval) nesas instalacións do barrio vigués de Teis.

Para Asime, que criticou duramente a actitude do Porto de Vigo por recorrer o plan de liquidación de Vulcano (ao pretender que a concesión retornase á Autoridade Portuaria), “é lamentable que tivese que ser a Audiencia Provincial a que lle ensinou a algúns representantes de institucións e organizacións cal é o camiño para defender a actividade industrial”.

Esta asociación empresarial expresou o seu desexo de que o auto xudicial “sirva de lección” a esas persoas e institucións, aínda que lamentou a “perda irreparable de tempo”.

“Confiamos en que se depuren responsabilidades nos niveis respectivos, e que dunha ver por todas algúns representantes e algunhas institucións aprendan como se defende a actividade industrial e empresarial, e teñan unha visión, como mínimo a medio prazo, do que debe ser unha cidade e unha área industrial”.

Asime sinalou que, se se consegue que “se manteñan as ofertas” polas instalacións, poderase crear emprego no antigo estaleiro Vulcano, aínda que censurou a “falta de defensa do sector” a nivel institucional.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...