O alcalde de Vigo, Abel Caballero, confirmou este luns que non se cortarán os cedros da Praza Don Bosco desta cidade. Unhas declaracións que fixo durante a posta da simbólica primeira pedra das obras que mudarán a faciana da Rolda de Don Bosco.

“Non. Non se vai cortar ningunha árbore. Iso é unha mentira dos de sempre… que son os do PP”, dixo Caballero a preguntas de Xornal de Vigo tras as críticas aparecidas nas redes sociais nas que se acusaba ao rexedor de querer cortar as árbores desta praza.

Así, determinados usuarios de Facebook acusaban ao concello de querer cortar estes cedros “con la excusa de que se pueden caer por su mal estado” e “sin embargo han resistido que les agarren los tensores de las luces de Navidad”.