O alcalde de Vigo, Abel Caballero, cifrou en máis 750.000 as persoas que visitaron a iluminación do Nadal entre este xoves e este domingo, de acordo cun método de cálculo disposto polo Concello na árbore situada en Porta do Sol. Un cálculo que sae en case 200.000 persoas por día, 100.000 menos das que ten a propia cidade.
Nunha rolda de prensa celebrada este luns, o rexedor olívico estimou a taxa de ocupación hoteleira da cidade nun 100 por cen e insistiu en que tamén que houbo moitos visitantes que se aloxaron noutras localidades limítrofes.
Ademais, asegurou que “nunca” vira zonas da cidade como a rúa Príncipe “tan cheas” e asegurou que a fila de persoas que esperaba para subirse á nora situada en Praza Compostela estendíase ata a rúa de Marqués de Valladares.
Respecto dos visitantes, apuntou que se trata de persoas cunha “alta capacidade adquisitiva” e que, principalmente, desprázanse á cidade mediante excursións procedentes de distintos puntos da comunidade. Así mesmo, Abel Caballero avanzou que se espera que se rexistre unha gran afluencia de visitantes na urbe olívica durante as pontes de Noitevella e da Noite de Reyes.
Así estaba o centro de Vigo esta pasada fin de semana segundo puido comprobar a cámara de XdV.
