InicioSucesosDetido en Vigo un home tras atracar un banco na zona do...

Detido en Vigo un home tras atracar un banco na zona do Berbés

Os axentes esperaron no exterior da sucursal bancaria para evitar que o ladrón tomase algunha persoa de refén

PUBLICADO O

- Advertisement -

A Policía Nacional detivo este mércores en Vigo a un home de 35 anos de idade, nacionalidade española e con domicilio na localidade pontevedresa de Cangas por un delito de roubo con violencia despois de atracar un banco da zona do Berbés.

Os feitos tiveron lugar á primeira hora da mañá, cando unha dotación policial camuflada, que forma parte do Plan Especial de Prevención de Atracos, observaba un “vello coñecido” dos axentes camiñando apresuradamente polo Berbés.

“Ante a sospeita de que puidese estar a estudar a contorna para cometer un atraco, os policías iniciaron un seguimento discreto que lles conduciu ata a rúa San Francisco“, indicou a Policía Nacional.

Alí viron como este individuo entraba nunha oficina bancaria e introducía a man dentro da chaqueta, á vez que indicaba aos empregados que se botasen cara a un lado. Segundo as declaracións posteriores das vítimas, o home esixiulles que abrisen as caixas fortes e entregasen o diñeiro que había nelas, ao que lle responderon que ese non era un banco ao uso, senón unha oficina para clientes na cal non se traballaba con efectivo.

CAZADO Á SAÍDA

“Desconfiando das palabras do director, comezou a abrir diversas portas e armarios, así como as caixas de seguridade, comprobando que apenas había un mínimo fondo de manobra. Frustrado por non obter o botín ansiado, ordenou aos empregados que baleirasen os seus bolsos, petos e carteiras, e lle entregasen todas as súas pertenzas”, explicaron as mesmas fontes.

Tras recollelas, saíu do establecemento para fuxir do lugar, pero dous axentes estaban a esperalo no exterior, polo que foi detido, “evitando así que puidese tomar reféns”.

Unha vez en dependencias policiais, tomóuselle declaración e realizóuselle unha consulta das bases de datos, na cal se comprobou que xa contaba con 42 antecedentes anteriores, sendo varios deles por feitos similares ao descrito.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...