Un accidente dentro do túnel da Madroa no que estiveron implicados tres vehículos provocou quilómetros de retención na AP-9 en dirección Vigo que se podía visualizar ata a zona de Chapela.

Así, segundo informou o 112 Galicia, o suceso ocorreu sobre as 7,50 horas deste martes e os servizos de emerxencia tiveron constancia deles a través da chamada dun particular, que avisaba dos feitos e aseguraba que non había ningún ferido.

Desta maneira, o Centro Integrado de Atención ás Emerxencias (CIAE) alertou á Garda Civil, ao persoal da autoestrada, á Policía Local e a Protección Civil.