InicioSucesosO xulgado decreta prisión para o home acusado de apuñalar á súa...

O xulgado decreta prisión para o home acusado de apuñalar á súa parella este venres en Vigo

O xulgado que instrúe o caso da agresión cunha arma branca a unha muller o pasado venres en Vigo decretou prisión provisional para o detido, parella da vítima. Ademais, o caso foi inhibido aos Xulgados de Violencia sobre a muller.

PUBLICADO O

- Advertisement -

O xulgado que instrúe o caso da agresión cunha arma branca a unha muller o pasado venres en Vigo decretou prisión provisional para o detido, parella da vítima. Ademais, o caso foi inhibido aos Xulgados de Violencia sobre a muller.

O pasado venres, un home de 48 anos foi detido por apuñalar á súa parella, de 43 anos de idade. Ambos convivían nun baixo situado nun inmoble á altura do número 7 da rúa Vázquez Varela na cidade olívica, onde se produciron os feitos.

Segundo informou a Policía Nacional, non constaban denuncias previas por violencia de xénero nin unha orde de afastamento. O presunto agresor foi detido cando tentaba fuxir do lugar en motocicleta.

A muller, que tras ser apuñalada no domicilio baixou á rúa polo seu propio pé, foi ferida cun coitelo de cociña no abdome debaixo da mama dereita, e conta con varios cortes superficiais no pescozo. Foi un veciño o que alertou a emerxencias cando a viu na rúa.

A pesar do sucedido, a vítima está “estable” e a súa vida non corre perigo, aínda que se atopa no Hospital Álvaro Cunqueiro.

ÚLTIMAS

“A indiferenza tamén é violencia”: Vigo sae á rúa baixo a choiva para defender as persoas sen fogar

Decenas de persoas protestaron na tarde deste venres en Vigo contra a aporofobia e...

Denuncian a eliminación de vexetación nun humidal de Vigo: “Non hai persoas nin vehículos que circulen baixo esas árbores”

A plataforma veciñal Barreiro Ladra denunciou a realización de rozas nun humidal de Vigo,...

Cayetana Álvarez de Toledo tenta convencer aos vigueses do “cambio necesario” con Feijóo

A número 2 da candidatura do PP por Madrid, Cayetana Álvarez de Toledo, participou...

Zona Franca inclúe na ampliación do polígono de Balaídos un “pulmón verde” de máis de 70.000 metros cadrados

O Consorcio Zona Franca de Vigo avanza co proxecto de ampliación do parque empresarial...