A Fiscalía Provincial de Pontevedra abriu dilixencias preprocesales para investigar o “deficiente funcionamento sostido” rexistrado “nos últimos meses” no tramo da AP-9 na Ponte de Rande, derivado das obras de ampliación de capacidade.

Así o comunicou este mércores a Fiscalía Superior de Galicia, que informa de que iniciou este procedemento ante as informacións recibidas na Fiscalía, na Valedora do Pobo e as aparecidas en prensa.

En concreto, incoou dilixencias preprocesales de carácter civil de protección dos dereitos dos consumidores e usuarios, “para os efectos de valorar o exercicio dunha Acción Colectiva de Cesación“, pola que se podería solicitar indemnización ou restitución aos afectados das cantidades devengadas neste período.

Esta investigación coincide con protestas, manifestacións e críticas que teñen feito a Xornal de Vigo varios alcaldes da comarca, como a de Moaña, o de Bueu ou o de Vigo.