Unha saída de vía na Guarda (Pontevedra), na madrugada do luns, saldouse con dúas persoas feridas, unha das cales tivo que ser excarcerada polos servizos de emerxencia ao quedar atrapada no interior do coche accidentado.
O sinistro produciuse uns minutos antes das 00,25 horas na rúa Diego Antonio González. O 112 Galicia recibiu o aviso a través do GES da localidade e pasouno a 061-Urxencias Sanitarias, á Policía Local, á Garda Civil de Tráfico e aos Bombeiros do Porriño.
