O Concello de Redondela conmemora o Día Mundial da Auga con diversas iniciativas. Unha delas, e tamén a máis visible, é a que se leva a cabo coa colocación dunha lona no balcón da fachada principal do Concello onde reza o seguinte lema: “Sen auga non hai vida”.

Esta iniciativa forma parte do conxunto de actuacións que o Concello leva a cabo durante todo o ano para despertar a sensibilización medioambiental de todos os veciños e veciñas do municipio.

Porén, a Concellería de Medio Ambiente, que se encarga de poñer en marcha estas iniciativas, fai un chamamento ao uso responsable da auga por parte de todos. O seu concelleiro, Miguel Ángel Álvarez, avanzou esta mañá que o seu departamento repartirá un libro que se editou en 2018 en colaboración cos escolares de Redondela sobre o uso responsable da auga e medidas de aforro deste recurso natural. Para adquirir un exemplar deste libro, os veciños interesados deberán pasar polo Concello.

Os usuarios das Bibliotecas de Redondela e Chapela tamén recibirián unha copia. Tamén se regalarán embudos para axudar na reciclaxe de aceite e así evitar a contaminación de acuíferos, ríos e mares.

O alcalde da vila, Javier Bas, destacou a aposta que leva facendo o Concello nos últimos anos nesta materia e sinalou que de que a pretensión de futuro é consolidar a Redondela como unha das cidades máis limpas de España.