Aupa (Autónomos Unidos Para Actuar) creouse en xuño de 2017 e constituíuse como asociación a prol dos dereitos dos traballadores autónomos en 2018. Aseguran representar a “os que están afogados polos impostos, os que traballan máis horas das que deberían, os que viven para traballar e sen dereitos, aqueles que están fartos de vivir así”.

Este venres convocaron unha concentración fronte ao Museo Marco de Vigo. Esixen a reforma do sistema de cotización, a redución dos pagos á administración, por consideralos abusivos, e maior flexibilidade para recuperar o IVE dos impagos, entre outras medidas. O lema: “No somos trabajadores de segunda”.