“TECNIBERIA, asociación patronal estatal do sector de enxeñería, pretende un sector sen convenio colectivo, un feito contrastado e publicado por TECNIBERIA na súa páxina web”, denuncian desde Comisións Obreiras.
“Trátase dun convenio de por si desfasado e precario en aspectos fundamentais: Salarios baixos e conxelados desde 2014, desregulación e abuso de bolseiros cobrando 600€, enxeñeiros e técnicos de FP traballando polo salario mínimo, categorías profesionais obsoletas, mobilidade xeográfica conxelada ou non regulada… “, enumeran.
“Queremos un convenio que garanta condicións de traballo dignas e salarios axustados ó mercado, acordes coa formación dos profesionais do sector (principalmente enxeñeiros e técnicos de formación profesional), remunerando o alto valor engadido que aportamos nas nosas empresas co noso traballo. Só queda a resposta sindical”, aseguran.
“Iniciamos un proceso de mobilización que comeza con concentracións a nivel estatal de delegados e delegadas, ás que están invitados a participar todo traballador ou traballadora do sector que por circunstancias laborais poida asistir. En Galicia a concentración terá lugar o 5 de febreiro de 12:00 a 13:00, en fronte a Ageinco, patronal galega de enxeñerías, sita en Vigo na calle progreso, 36”, selaron.
